صيانة مواقع WordPress والدعم الفني الشهري
موقع WordPress محتاج متابعة مستمرة: تحديثات، وحماية، ونسخ احتياطي، وسرعة. لو اتساب من غير صيانة، بيبقى أبطأ وأسهل في الاختراق، ولما يقع بتخسر عملاء. في أدد أونلاين بنتابع موقعك كل شهر، وإنت تركز على شغلك.
خدمة الصيانة بتشمل إيه؟
تحديثات آمنة
تحديث WordPress والقوالب والإضافات بعد ما ناخد نسخة احتياطية، وبنتأكد إن الموقع شغال كويس بعد كل تحديث.
نسخ احتياطي
باك أب منتظم للملفات وقاعدة البيانات، وتقدر ترجع لأي نسخة لو حصلت مشكلة.
حماية من الاختراق
جدار حماية، وفحص للبرمجيات الخبيثة، وقفل الثغرات المعروفة، وتنضيف الموقع لو اتعرض لاختراق.
تسريع الموقع
ضبط الكاش، وضغط الصور، وتنضيف قاعدة البيانات، عشان الموقع يفتح أسرع ويتحسن ترتيبه في جوجل.
مراقبة وإصلاح الأعطال
بنتابع إن الموقع شغال، ولو وقع أو ظهر فيه خطأ بنتدخل ونصلحه.
تعديلات بسيطة
تغيير نصوص أو صور أو أسعار، وإضافة صفحات بسيطة، من غير ما تحتاج تتعلم لوحة التحكم.
علامات إن موقعك محتاج صيانة
- بقالك شهور ما حدّثتش الإضافات أو WordPress نفسه.
- الموقع بطيء أو بيظهر فيه أخطاء.
- جوجل أو المتصفح بيحذر إن الموقع غير آمن.
- معندكش نسخة احتياطية حديثة، أو مش عارف هي فين.
- مفيش حد مسؤول عن الموقع بعد ما اتسلّم.
ولو موقعك مش على استضافتنا؟
الصيانة متاحة لأي موقع WordPress أيًا كانت استضافته. ولو حبيت تنقله عندنا، بننقل مواقع WordPress وJoomla مجانًا. شوف باقات الاستضافة.
أسئلة شائعة
الصيانة بتتحاسب إزاي؟
اشتراك شهري على حسب حجم الموقع ونوعه، سواء موقع تعريفي أو متجر. ابعتلنا على واتساب ونبعتلك عرض سعر، والأسعار غير شاملة الضرائب.
لو موقعي اتخترق، تقدروا تصلحوه؟
أيوه، بننضّف الموقع ونقفل الثغرة اللي حصل منها الاختراق، وبعدها بنحطه تحت الصيانة عشان ما يتكررش.
الدعم متاح إمتى؟
24 ساعة طول أيام الأسبوع، على واتساب.
ابعتلنا لينك موقعك ونفحصهولك ببلاش
هنقولك حالة التحديثات والحماية والسرعة، وإيه اللي محتاج يتصلح.